الليل ما غطى بدر والشمس يحجبها الكسوف

السلام عليكم ورحمة الله وبركاته



الليل ما غطى بدر والشمس يحجبها الكسوف

والمرء تعرف نيته من منطلق فعايله



تعال يا اسمى غلا يسعى على راسي ويطوف

بعلمك عن ماشكى صدري وعن شكواي له



أبشرح الموضوع كله وأنت قلي وش تشوف

تعبت أجامل خاطرك وأقدره وأحايله



كم لي اردد جملتي يا الله عسى الصبر امخلوف

من مهمية خافق(ن) بذل سبل وسايله



الصد جامد من صخر والحب خفاقه عطوف

مسكين مفهوم الحنان الي عكست ستايله



لوأن شوقي مكتبه ملأت بي كل الرفوف

ولو أن قلبي مجتمع يتمت فيني عائله



وأنجيت احسبك بالغلا طلع عدد ماله وقوف

ومتوقع أني ما اوصله على كثر ممشاي له



وانت اتثاقل كلمة وهي أربع حروف

الظاهر أن المسألة بيني و بينك طايله



أطلب سعادة شوفتك وتقول لي حكم الظروف

وأنا على شوفك نذرت أصوم وأذبح حايله



يعني مطوفها علي يا الله على شانك تطوف

مع أني ادري وش وراء حدب الضلوع المايله



وغلاك تدري شيء واضح ياحبيبي ومعروف

وأكبر دليل أنك موريني نجوم القايله



لالا توظفي غلط ماأعتبر ضمن الصفوف

أنا اتعداهم نجم وأبيات شعري هايله



شاعر مفوه وآتقدم و آكل لسان الخروف

والحمل بإذن الله على ظهر المعاني شايله



لكن على قول المثل حط النقط فوق .... الحروف

مادام تدري بآخر الدنيا دبور و زايله



وحده من الثنتين قلها يامواصل يا نكوف

لاني تعبت أمسي على برق الامل وأخايله



وبعد ألتفت حسنك وتمتم بين أوف وبين أوف

صار الجواب بصمت مضمون الدموع السايله



قام يتبعثر حزن ويمش العباير بالكفوف

والليل موحش والهواء يلعب على جدايله



لقاء كان يعلم العشاق كيف يذوب جوف
/الحزن/ والتجريح / والتنهيد/ من سلايله





أقبل على دمعة لقا وأقفى على فرقى وخوف

وأصبح على وجه الندم من منطلق فعايله





الوضع جدآ مختلف مثل النوايا والظروف

مثل اختلاف الخلق كل(ن) تظهره عمايله!

يسلموووووووووو$$$$

تسلمي عل المرور